UN Card Aa Tlaih Mi Myanmar Minung Hna Nih Malaysia Inn Ah Thilri An Fir Mi He Palik Nih An Tlaih Hna

UN Card Aa Tlaih Mi Myanmar Minung 3 Le Malaysia Mi Pakhat Cu Mi Innchung Thilri An Fir Mi He Palik Nih An Tlaih Hna

==================================================================

(Apoi bak si, UN card aa tlaih mi Refugee minung vialte caah thawngchia ngai a si)

Malaysia ram, Ampang timi khua , Kamoung tasik permai timi hmun ah Myanmar rammi pathum le Malaysia minung pakhat cu Mi Inn chung ah an lut i thilri an fir lio bak ah Palik nih an tlaih hna tiah theih a si. Myanmar minung pathum hna hi Malaysia pa nih thilri a fir ter tawn mi an si i a tu zong hi Palik nih an ngiat cuahmah i an fir lio bak ah an tlaih hna tiah theih a si.

Nizan naite,August 5, zanlei ah in khat ah voikhat an tlaih hna i August ,6 zingka ah inikhat ah an tlaih hna tiin The Satr nihcun a tial. Hi hna hi Gangstar phun in an um hna i Myanmar rammi pathum hna i UNHCR card aa tlaih lio mi an si i Malaysia pa nih rian a fial mi a hman mi hna an si tiah theih a si. Kum 27 in 52 karlak minung an si tiah a chim.

Hi hna pawl hi a luancia kum hnih lio in hitihin mi inn boah le thil fir in Malaysia ram Ampang timi ah an rak vak lengmang cang i a tlawmbik inĀ  7 ahcun thil fir in an lut bal cang, An mah hna sinah thilri ,Laptop 22, Video zeihnak 5, Camera 6, Phone 14 le Ban khih mi Nazi 347 an lal chih tiah theih a si.

Myanmar minung tiin a tial caah Chin mi a si maw? Zei miphun a si timi an langh ter lo caah Myanmar tilawng in theih a si.