Uk Ling Thang hi, “the True Campion” a si maw?

Uk Ling Thang hi, “the True Campion” a si maw?
=====

CIAN USA hawihawtnak in tuah dingmi Chin New Year celebration, Washington DC ah UK Ling Thang aa paih rih lai. Tulio WPC heavy Weight Champion Sang Hlei Thang he an itong lai. Sang Hlei Thang a Tei rih ahcun “Champion of Champion” a si lai tinak a si.

October 11, Friday zaan ah Uk Ling Thang hi The Chin, True Champion a si le silo aa Siang lai. Winner a si ahcun, Champion of Champion a si lai tinak a si.

Uk Ling Thang aa palhnak recorded ka zoh tikah Lai paih an tuahnak kip ah lung tho tein aa paih lengmang i laksawng latu a si lengmang. Laksawng a lakmi hi a tlawm ti lo.

Hlawhtlinnak/success require failure

Lai paih kong chim ahcun Rung Lian Ceu kong telh lo awk a ttha lo. Lai paih ah Rung Lian Ceu a hlawh a tlinnak cu a rak sungh bal caah a si. A rak paih ka ah Tial Cung Thang nih official tein a rak tei. Cu nakcun gym kal a ngol ti lo. Tial Cung Thang Tei dingin aa zuam i, aa zuam bantuk in teinak a hmu taktak.

Uk Ling Thang le Rung Lian Ceu an rak i paih lio ahkhan Rung Lian Ceu nih ttangkawp in a rak tei. A lung a rak thi ve lo. Rung Lian Ceu Tei dingin aa zuam tthan nain nihin ah ttha tein an itong kho ti lo.

WPC ah hnu ah Rung Lian Ceu aa paih ahkhan “$ 5000 ka thap! A ngamh ka chuah hnawh u” tiah a ti nain aho hmanh nih an rak chuah hnawh ngam lo” tiah an chim. Aizaw— a hrutmi nihdah an chuah hnawh ti lo ah’ professional a simi ve wrestler dirhmun ahcun mahbantuk challenge ahkhan ipeih phung hrim a si lo. Cucaah, mizeimaw nih an tih ti phung in an timi kha an fim bia a si ti kha- ka von langhter chih.

UK Ling Thang zong hi Rung Lian Ceu he a rak sungh bal caah, mah a sunghnak cu izuamnak ah a hman. I paihnak Kip ah Champion a lak. Hmailei ah Rung Lian Ceu he an itong tthan te ahcun, a tei cang lai tiah ruah khawh a si. Zeicatiah, a sunghnak nih tampi thangchonak a pek.

October 11, Friday zan ah Uk Ling Thang le Sang Hlei Thang an ipaih dingmi hi ngaih a um ko. Sang Hlei Thang hi a tha a Thawng taktak, paih zong ah a thangcho ngai ngai tiah an chim i, Sang Hlei Thang nih Uk Ling Thang a Tei ahcun, Champion of Champion ah ruah khawh a si ve lai.

Note: hmuhning sawh tialmi a si. website or share kha free tein nan tuah khawh a si. nan hmuhning rak chim cio ve u- Chin wrestler pawl thazaang peknak ah ka von thaimi a si.

(Zasang Cinzah)