Ronaldo Cu Joao Felix Nih A Laan Tuk Cang, Zahan Zan Khan Hmuh Khawh A Si

Joao Felix Nih A Laan Tuk Cang, Zahan Zaan Khan Hmuh Khawh A Si

=======================================

International Champion cup puai a donghnak bik cu zahan ah  Atletico madrid le Juventus chuih i Atletico Madrid nih 2-1  in Juventus cu tei. Zahan cu Portugal  rammi Atletico Madrid in a chuih thar miJoao Felix nih goal 2 bak a phomh ko hna.

Ronaldo zong Juventus leiah a chuih ve nain a upa ngaingai cang ko , a cawlcang kho ti lo, kawl khat hmanh a kawl lo caah a naupa Felix nih a lan ngaingai cang.

Nipiah Sarri nih Lineup ah  Szczesny ,Sandro , Chillin ,De Ligt , Sciglio , Rabiot , Pjanic , Khedira , C.Ronaldo ,Higuain le Costa hna a chih tel hna i Caan cheu hnu ah  Bonucci , Cuardrado , Buffon , Matuidi ,Bentancur , Bernardeschi , Dybala, Danilo , Can le Mandzukic pawl a chuih tet ve hna i thlen hnu zongah zei hlei ti loin Juventus caah hKhedira nih a kawl piak mi kawl khat tein an caan a dih.

Atletico Madrid Line up ah Oblak , Trippier, Gimenez , Savic , Lodi , Felix , Llorente , Saul , Koke , Morata le Lemar pawl an lut hna i Felix cu Juventus hnukham nih a chei an chei lo, Kawl sut ding ah an tuah piak mi a kawl dih ko. Delight zong nih akham kho lo.

Felix cu Atletico nih an cawk thar mi a si i No.7 an hruk ter i Ronaldo an tahcunh tawn mi a si. Amah zong nih Ronaldo bantukin teinak a hmu mi si ka duh ve a ti nain a tu hmanhah Ronaldo cu a tei pah cang ko ruah tiah zahan puai nih a chim.