Pu. Run Kam Thang Nih Australian Ah Lungrawh Zawtnak In Mual A Kan Liam Taak Ee

A chungkhar he

Thlalau Thawng : Pu. Run Kam Thang nih Lungrawh zawtnak in mual a kan Liam taak.
==========================================================================

Melbourne Nichuah lei I khua a sami Pu Run Kam Thang( Kamte)- 34 nih 2.10.2019 tuzing 7:30am hrawngah Lungrawh zawtnak in mual a kan liam taak ee. Kamte hi Pu Tei Thang le Pi Hlawn Bang, Thantlang hna I an Fapa pa 2nk a si. Australia, Melbourne khua ah 2005 ah a phanmi i Melbourne Nichuah lei ah khua a si mi le VCBC Khrihfabu chungtel a si.

Pu Run Kam Thang( kamte) hi Melbourne Nichuah i a phan mi lakah mi hmasa ngai pakhat a si. Mitha le mi felfai ngaimi asi. A sin um a nuam ngaingaimi le mi capo le mi lung a lawmhter ngaingaimi asi. A tu btk ruah lo tuk in mual a kan liam taak tikah kan I zumh hrimhrim lo. Kan lung a ar cio. Kamte hi fapa pakhat a nei I a Nupi le a fale hi Malsaysia ah a um lio a si.

Lungrawh zawtnak hi Nihin kan Miphun ral ngan bik ah a hung cang. Dohnak Lam Pakhat lawnglawng aum. Cucu Pathian bia lawnglawng a si. Cucaah Miphun le Khrihfabu hna nih faakpi thazaang chuah cio in kan tuanti a hau mi rianngan a si.

A chungkhar he

Chungkhar hna hnemhnak le thutpinak cu tuzaan le thaizan ah 6:30pm ah thutpinak ngeih a si lai.

 

Ruakvui ni le caan a fiang kho rih lo. Pehzulh in thawngpaang thanh khawh lengmang kan I zuam lai.

Thutpinak hmun le caan,
Ahmun: VCBC Biakinn
Acaan: 6:30pm

Chungkhar pehtlaihnak :

Rev. Van Dawt Thawng( Thang Thangpa)
M : 0406 146 086 ( Pastor).

Evan : Van Ceu Thang( Afiapa):
M: 0478 780 550( Chungkhar)

Chungkhar hna cungah Bawipa daihnak um hraam ko seh.

Ngaichiatnak tuarpi buin,
ACC

CBN

Afa he