Palik Nih Ralkap Bawi An Tleih Hna,

Palik Nih Ralkap Bawi An Tleih

==========================

Kawlram palik nih Phung ningloin Thing a phor tu Ralkap an tleih ve hna. An tleih mi ralkap pakhat hi Buci pakhat a si i တပ်ကြပ်ကြီး pakhat zong ai tel fawn. NLD cozah chan ah Upadi hi anung deuh hrim ko tinak a si.

Makuai ramthen chung a si mi Ngaphe timi khua ah Kee ruk a ngeimi Lory ngan nawn pi ah ralkap nihcun thing an phorh. Palik nih an chek tikah phungning loin phorh mi a si kha an theih. Cu tikah Palik nih an tleih hna hi a si. An tleih mi hna hi Ralap pahnih lawng siloin mawtaw a mawngtu le zul tu zong an tleih chih hna.

Febuary niikhat nii ah hithil hi acang mi a si. Ralkap pahnih hna zong Thing lei upadi ning in taza cui an si ve lai i ralkap lei sikan zulh lo ruang zong in dantat chih an si lai tiah theih a si. Ralkap nih phung ninglo thing an phorh timi hi khuami nih report an tuah caah Thing lei Palik bawi, pawl khua kiangkap ummi Palik bawi pawl nih an i bawm i a tu bantukin an tleih hna hi a si .

USDP chan ahcun Palik nih ralkap hi rak tleih ngam a si ballo, Cu ruangah Upadi a um zongah Palik nih an rak hmang ngam ballo, duh poah in ralkap cu an rak nung i,Midang vawlei le Leikuang tampi zong chuh a rak si. A sinain NLD cozah a kai hnuin cun Upadi hi tampi anung ko tikhawh a si. 100 ah 100 cu a si lo nain USDP chan he cun ai thlau ngai cang ti khawh a si.