Palik A Tuan Mi Salai Za Biak Bawi Nih Accident In A Kan Thih Tak

Shan Ramkulh Ah Palik A Ṭuan Mi Chin Tlangval Za Biak Bawi Nih Mual A Kan Liam Tak
###############################

Ngeih a chia tuk hrinrhan, Palik a tuan cuahmah mi Salai Za Biak Bawi nih Mual a kan liam tak( A kan thih tak) tiah theih a si. Amah hi ,Shan ramkulh Tounggyi khuapi pawng ah number (26) palik hmunpi ah rian a tuan cuahmah mi a si tiah theih a si.

palik Salai Za Biak Bawi (kum 27) cu August 11 zinglei ah Saihkhawng khua timi ah, motor nih a pah that tiah theih a si.

Salai Za Biak Bawi cu zinglei ah an Bawi le nih rian an fial caah Moto cycle in akal i Saihkhawng khua a phak ah motor (ေထာ္လာဂ်ီ) nih a rak pah i a hmun ah a thi colh tiah theih a si.

Salai Za Biak Bawi cu Kalay peng Minhla khua i um mi Pa Lian Khum le Nu Zachhungi te’i fate unau pariat chungin upabik lam panganak a si. A ruak lak in chungkhat pawl an va kal i August 12 zaanlei suimilam 6:00 ah Tounggyi in an i thawh pi cang tiah theih a si. August 13 zinglei suimilam 1:30 ah Mandalay ah Falam mipi nih an rak dong  i thlacamnak an ngeih hnuah a khua Minhla ah an kal pi tiah theih a si.

Tantak mi Chungkhar Pathian nih hnem ko hna seh.

Cahram : Falam Times

Chin Thuthang ( CT ) Media