NLD hi Kawl Party an si lo I kan herh bik mi Party zong an si ko

NLD hi Kawl Party an si lo I kan herh bik mi Party zong an si ko
=============================================================================================
Cheu khat ramkheel Party nih NLD hi Kawl Party le Kawl Miphun an si caah zei tik hmanh ah vote pek ti lo ding tiah chim cio a si. Zei zawn ahdah kawl Party an sinak a si ti bel fiang ko in chimh khawh a har ngai. Milu an tam deuh caah maw Kawl Party an ti hnga? An hruaitu nu hi kawl a si caah dah Kawl Party an ti hnga? A si lo ahcun Federal kan hmuh khawh rih lo caah dah a si hnga? Ruah ngai a hau. NLD Cozah nih thlangcung mi kan duhmi thanchonak lawng si loin zauk phung lei zong ah sersiam a timh ko ti cu hmuh khawh a si.
Pakhatnak: Tlangcung mi lak ah Chin Ram cu sifak bik kan si bantuk in DASK le NLD cozah nih papek in Vice President zong aa kan pek. Uknak thlen lo cun thanchonak rian aa tuan kho lo ti cu DASK le NLD cozah nih an hngalh ko bu ah vice president aa kan peknak chan cu thanchonak le zauk phung lei zong ah tam deuh hmai kan nawr khawh deuhnak ruah in a kan pek mi a si ko.

Pahnihnak: USDP nih cozah a tlaih lio ah Ramkulh Chief Minister cu mah Miphun chung in a thim ko hna nain a tamdeuh cu Ralkap ,minung an tam deuh. NLD cozah kai hnu ahcun, Minister pawl zong mah tlang cung miphun te a si mi kha 99% bak an pek hna I Chief Minister zong mah miphun an pek hna.

Nihin Kan chin state Minister zoh hna law Ramri lei Humhimnak Minister dah ti lo cu kanmah Chin Miphun lawng te an si ko. Cu nih a langhter mi cu an hruh an ngat zong ah anmah minung te hi Chief le Minister thut den pek I rian tampi tuan hna She ti kha an duhnak cu a si ko. Mipi kan duh herh ning in rian an tuan khawh lo mi cu anmah santlaih lo zong va si ko She, hlan lio cozah uknak tha lo, surla tawn in aa tawn mi lak ah riantuan cu a ho Party le cozah ca hmanh ah a fawi lai lo I Obama le Donald Trump hmanh an cawl kho lai lo.


Kanmah Miphun Miphun chung lawng tein Minister rian an pek mi hna nih a langhter mi cu thanchonak pakhat lawng ca si loin ramkheel buainak le tlang cung mi hna zuk phung duh herh mi tawlrel an I tinh ti a fiang ko.
Mah le Tlang cung mi / Miphun chung minung lawng te Minister ah pek dih an si. Kawl an si lo. Cucu zei tindah kawl party kan ti ti khawh hna. Phunghram remh khawh lo ahcun a can ah Chin bantuk a can ah kawl bantuk in um rai le riantuan phung a si ko. Chin rawl kan ei ruang ah chin miphun kan si ti nak a si lo I kawl rawl akn ei ruang ah kawl kan si ti nak a si lo. Lai thuam aangki fual kan Ii hruk ruang ah lai kan si tinak a si lo. Kawl rawn ah khua kan sak ruang ah kawl kan si lo i Laitlang ah khua kan sak ruang ah Chin kan si tinak a si lo.
Cozah zung department ngan Minister zung kip ah mah miphun thutden cung an thut mi cu kawl ti awk a si lo. Chin miphun ca rian an tuan khawh lo mi cu pumpak santlaih lo le fel lo ah chiah khawh a si nain Kawl party an si ruang ah rian an tuan khawh lo zong a si ve lo.
NLD hi kawl party a si lo nak cu, Miphun kan i cawh dih. Miphun kan tling dih. Cu nih alnghter mi cu kawl party a si lo. Kawl Party ti biafang cu doh kalhtu le soisel tu Party hna ramkheel hriamnam bak a si. Zei catiah chin caah cun zei dang bia le catlang nak in kawl ti mi biafang in ramkheel tuahnak lam a kauh cem caah kawl party ti hi an hman mi a si.
NLD cozah nih phunghram cu remh awk a tha mi le remh a awl mi ina thim hmasa I tlangcung mi kan herh mi phunghram zong a nawr thiam thiam ko lai. Hi NLD nih phunghram rala doh lio ah hling le so a tam tuk in duhsah te le ralring tein remh a herh. Hi hling le so lak ah Miphun Party hme tete zong an i tal. Kawl taktak le ralkap/ ralkap party hna hnarpuaar nak in ramkheel an tuah.
NLD lawng nih phunghrama remh kho lo, ralkap le tlang cung party kan I tel dih a herh tiah an chim hoi. Mi lu tlawmtam nih phunghrama remh kho hlei lai lo. Zei catiah nihin phunghram cu ralkap zian kuan le sivai aa cawh mia si tik ah zei tluk hmanh in tlang cung mi nih thutden co ko usihlaw mei thal aa put mi nung kut chung ah a um mi phunghram cu kan chut kho hna hlei lai lo. Meitilsa tu kan I lamh sual chinnak lam a si.
Cucaah tlang cung mi vialte nih can kar lak cu NLD ah I fun hna usihlaw zei maw zat phunghram kan remh khawh hnu ah NLD le TLang cung mi tu zauk phung I cheuh bauh ding kan si. I hawi kawmhnak um lo in I dohdalnak cun zei thil hmanh duh ning in I pek le cheuh bauh khawh a si lo.
Cu caah mah duh mi zauk phung khuapi phak khawh a duh mi nihcun NLD cu kal tawk awk a tha bak lo. Fekte in kan dir a herh.

The Voice Of Democracy