Ngeih A Chia Tuk Ee, Malaysia Ah Fapa Fangkhat Nih Mual Liamtak Mi Nihin An Vui Cang

Ngeih A Chia Tuk Ee, Jonathan A ruak Vui A Si Cang

====================

Malaysia ah Palik le mi thalo karlak ah lungrethei vansang in aummi Chinmi chung in a fak tuk mi ngeihchiatnak ,Thihnak thawnhpang hi theih pah lengmang a si theo.

Jonathan Khrih Sen Piang timi zong ngakchia te a si rih nain sunghno a nu le apa kaltak in Vanram nuam leiah a dinh tak hna. Amah hi Thla riat te lawng a si rih. Cu lawng siloin amah lawng hi an fapa fangkhat ngeihchunh te a si i an dawt tuk mi a si.

A Pa,John Obed a si i A Nu hi Vam Rem Thiang a si. Malaysia ram khualipi Kualalumpur ah a ummi an si i an fapa te cu Siizung ah Janunry 31 ahkhan anunnak aliam tiah theih a si. Malaysia ram ummi Chinmi hna nih a ruak cu mitthli he thlah cio in Pathian sinah thlacam nak he nihin Febuary 4 ah a ruak vui a si cang tiin a tawlrel tu Myanmar Pa SanWin nih a tial.

Ngeih a chia tuk hrinhran, Pathian nih tantak mi chungkhar nu le pa caah a tha bik in a bia in hnem hram ko hna seh. Tuar ahar hrinhran ko lai e, An chungkhar caah hi ca a rel tu vialte nih thlacamnak in bawm cio hna usih.