Nan Lung A Tling Cang Maw? Hakha Ah Buchuk Milem Le Chin Pasaltha Hna Pathum Milem Bunh Chih A Si Lai

Nan Lung A Tling Cang Maw? Buchuk Aungsan Milem Le Chin Pasal Tha Pathum Zong An Milem Bunh Chih A Si Ve Lai

====================================================

Hakha khuanu khuapa nih kan buaipi ngaimi Bukchuk Aungsan Milem kong cu a cozah he tonnak ngeih a si hnu ah, Buchuk Aungsan Milem zong Pangpar dum ah chiah a si ko lai i, Chin pasal tha hna pathum pawl an milem zong chiah ve an si lai tiah bia an chah cang.

Buchuk Aungsan Milem hi 1992 lio thok in Hakha pangpar dum ah rak chiah zungzal miba si cang nain Inn pawl an sak i, cuticun Bukchuk milem cu a rak i rawh caah a tu hi a thar bunh mi cu silo, A thar serchuah bia khi a si ko nain micheu nih an duh hnga lo tiah ruah a si.

A tucu Hakha khuanu khuapa nih Buchuk milem lawng siloin kum 1947 lio i pinlung minthut lioah Chinram aiawh tu hna minung pathum , Hakha in Pu Kio Mang le Tedim in Pu Thawng Za Khup le Falam in, Pu Hlur Hmung hna an Milem zong Buchuk Aungsan Milem pawng ah bunh chih siseh tiah bia an chah cang. A sinain Chin Pasaltha hna milem belte cu serthan ahauh caah kumkhat hnu lawng ah an bunh te lai tinak a si.

Buchuk Aungsan milem tu cu Hakha ah a phan cang nain bunh colh ngamh loin a cozah zung ah an fim chung rih ko tiah Vuanci U Soe Htat nih a chim tiin RFA nih a langh ter.

Buchuk milem hi Thantpang zongah bunh dingin 2018 lioah an rak ti nain Thantlang nih an duh lo caah an bunh kho lo. Cu lawng siloin Mon le Kachin ram pawl zong ah biatak teib buainak tiang a rak chuak i, Buainai a chuah ko buin an bunh chih mi zong a um ve.

Kan nih Hakha ahcun Buchuk milem hi bunh duh a si lo nain Chin pasaltha hna Pathum pawl an milem zong bunh chih ding a si cang ko caah Buchuk milem a duh lo tu zong nih a tu cu Aamen ti cio a si cang ko lai dah,Zeitin nan ruah cio nan lung a tling cio maw?

Ref:RFA