Messi A Sung Than ,A Poi Ngaingai

Messi A Sung Than,A Poi Ngaingai

==============================

Barcelona arfi, Lionel Messi cu Julay thla lio i a biachim mi ruangah amah le amah har nak ai pe ko. A tu hi a biachim mi ruangah Ram caah puaithum chuih kho lo dingin dan an tat taktak ko cang.

Copa America Cup lioah Messi ram Argentina le Brazil cu Semi final ah an rak i tong i Argentina an rak sung. Cu lioah Messi nih Copa America bawlung a tawlrel tu Buu (Conmebol)cu fak taktak in a soisel hna i, Timh ciammam tein Barzil Champion ter an timh i phaisa ei hmang an si tiah a rak soisel hna.

Cu lawng siloin Argenti le Chile cu a pathumnak an i cuh i, Argentina nih an tei hna. Cu lioah Messi nih laksong ahmuh ve nain laksong zong lak duh loin (Conmerol) buu cu a soisel thiamthiam hna. Cu ruangah Messi cu na luan tuk tiin Ram caah pui thum chuih kholo ding le phaisa 50,000 liam ter dingin bia an rak chah piak.

A sinain Argentina bawlung tawlrel tu AFA nih Messi cu an humzual duh i ngeihthiamnak tiang an hal piak nain Messi cungah dantatnak cu ahlan an rak chiah ning tein an chiah thiamthiam caah Messi cu a ra lai mi tuthla chung Ram caah chuih dingmi Germany le Ecuador pawl he chuih dingmi an chuih lailo i November 3 nii lawng ahkhin Messi dantatnak cu a dih te lai tiah theih a si. (ELEVEN)