Good New: Kachin Pastor Rev. Dr. Hkalam Somson; Kawl Ralkap Nih Taza An Cuai Mi An Let Cang

Good New: Kachin Pastor Rev. Dr. Hkalam Somson; Kawl Ralkap Nih Taza An Cuai Mi An Let Cang

==========================================

Pathian khuakhan zong a si kho. Thawngtha taktak a si. Kachin Pastor Rev. Dr. Hkalam Somson cu kawl ralkap nih taza an cuai i nihin September 9 hi zung ah chuahpi ding a si nain an mah kawl ralkap nih taza an cuai mi cu an let rhan cang .

Kachin Pastor Rev. Dr. Hkalam Somson cu US President Trump sinah a va kal i Kawlram ah Khrihfa kan tem tuk. Biaknak za a long lo tuk ti pawl a va chimh i US nih kawl ralbawi pawl dan nan tat mi cung zongah kan i lawm tiah a va chimh. Cu ruang ahcun Kawl ralkap nih taza an cuai mi a si.

Kachin KBC Pastor (Samson Hkalam) in Kachin, Khristian le mipi pawl Kawl cozah ralkap ih an hmuhsuam, dekcok dan pawl US President hnen ah hmunbur, hmaton in a sim.

Posted by Salai Chinsuh on Thursday, 18 July 2019

Tu nii September 9 hi a kong ceih ding nii a si cang. Asinain taza a cuaitu Buhmuci TanHkike nih biaceih zungah amah pumpak nih a va let than cang. July 7 ah Trump cu Kachin Pastor Rev. Dr. Hkalam Somson nih a va ton mi ruangah  pohmah (200) in August 27 ah Buhmuci Tan Htike  nih taza a cuai i nizan naite ahcun an mah kawl ralkap nih Kan ngaithiam tiin rak chim seh an ti nain Kachin Pastor pa nih a duh lo. Ka chim mi cu ka tuah ngam a rak ti i biaceih zungah thil dik chimnak caan tha ka ngeih tu a si tiin lunglawm tein ka cohlan a rak ti phah.

Asinain a tu nii cu an mah ralkap tu nih an taza cuainak cu an let than cang. Khrihfa ca zong ah thawng tha ngai a si. Hmailei zongah Biaknak lei zalonnak a um khawhnak hnga thazang a thawn chinnak tu ah cang hram ko seh. Kachin Pastor Rev. Dr. Hkalam Somson Bawipa nih lam in hruai ko seh.

(KBC Kachin)