Apoi Ngai: Turkey Ruangah ISIS Ralkap Thong Chungin 800 An Zam Kho

Turkey Ruangah Thongthlak Mi Isis 800 Deng An Zam

=======================================

US ralkap nih Syria ramah ISIS a va phomh hna i Kurdish Ralkap pawl a va bawmh pah hna. Cu thawng cun ISIS zong an thazang a der i, Thong ah khumh mi tampi zong a um.

Asinnain US ralap cu an baa tuk cg tiin US President Trump nih US ralkap pawl cu akir ter hna. Cu thok cun Turkey nih Syria ram chung a ummi hriamtlai pawl ka doh hna lai tiin bia ai chim ter i, Kurdish ralkap pawl cu a phomh len cang hna.

Cu tikah Syria thlanglei in a ummi Thonginn ah an hren mi hna ISIS pawl nih Thong inn cawngtu pawl kha an a doh hna i Thonginn in an zam dih ti a si. Turkey nih a tuk mi hi ISIS siloin US nih abawmh mi Kurh hriamtlai pawl hi an si. Kurh hriamtlai pawl cu US ralkap nih a bawmh hna i ISIS a doh tu an si ve.

A tu thonginĀ  ah a zammi hna hi an dihlak in minung 785 an si toah theih a si. Turkey nih a tulio tukdohnak a tuahnak hmun ah hin tlaih cang mi ISIS ralkap hi 1200 an um i ISIS chungkhar hi 70000 bak an um tiah theih a si.

ISIS hi vawlei pi caah tihnung a si ko tiah vawlei nih a ruah taktak maw ? A ruah taktak a si ahcun Turkey ruangah a zam mi ISIS pawl hi zeitindah tawlrel a si lai tiah’ Kurh hriamtlai buu an bawipa nihcun a chim ve.

Hi kong ah an tawlrel lo a si ahcun a rauh hlan ah hnu nih a zulh ding mi a ra colh lai, tiah ISIS a luat mi pawl kong chirchanh in a chim.

(News TV)