AA Nih Chinmi Phaisa Telh In Ting 70 An Chuh Hna, Meithal In An Tlerh Hna

AA Nih Chinmi Phaisa Telh In Ting 70 An Chuh Hna

===================================

AA thiltuah ruangah Rakhaing le Chin cu Uico le meheh bantukin i ral caan kan phan te ko lai, AA nih Chinmi akan tuahto ning hi a fah zia a sang chin lengmang cang. A tu zong Chinmi Phaisa telh in ting 70 bak AA nih Meithal he an tlerh hna i an chuh hna.

Paletwa ah Sianginn cachim pawl caah lahkha pek ding le Palik pawl caah Lahkhah ,a dihlak ting 70 cu AA ralkap nih an chuh dih hna tiah theih a si. Hi phaisa hi AA nih an theih cia mi a lo ngai tiah ruah a si. Kan ngeilo tiah kan ti nain lihhlah uh tiin meithal in ankan tlerh tiah phaisa chuh lio a tel ve mi pakhat nih a chim.

A poi tuk mi cu, Sianginn cachim pawl lahkhah a ei mi pawl cu hi lahkhah te hi an nunnak a si ve caah vansang in an um ko tiah theih a si. Lam dang in phaisa hmuhnak kan ngei velo i hi lahkhah te hi kan pawcamnak a si caah a tucu midang docawi in ta vah a hau ko lai, Cunglei upa nihcun a tha bik in kan khan ko lai tiah an ti tiin an cbim.

Chin ram cozah biachimtu Vuanci U Soe Htet nihcun mah lam ahhin security chah deuh in chiah a hau. Cozah nih cun mah kong hi Rampumpi Cozah sinah chimh piak ti dah lo cu zeihmanh kan tuah piak khawhmi hna a um lo  tiah a chim i AA hi an tih cio ko rua.

AA nih an chuh mi phaisa pawl hi Palek lahkhah ah ting 40, Sianginn saya/ma lahkhah ah ting 25 le Sayaci lahkhah ah ting 5 tiah a dihlak ting 70 an chuh.  Palatwa Siangin  saya/mah pawl cu Palatwa um Chinmi deuh an asi.